Университетте LOGO e.V. өкілімен кездесу және студенттерге арналған семинар өтті
01 Oct 2026
143
2026 жылғы 30 қыркүйекте Шерхан Мұртаза атындағы Халықаралық Тараз университетінде университет ректоры мен Германия Федеративтік Республикасындағы LOGO e.V. коммерциялық емес қауымдастығының координаторы Вероника Майорованың кездесуі өтті.
Сапар аясында университет ректорымен кездесу өтіп, өзара ынтымақтастық бағыттары талқыланды. Аграрлық білім беру саласындағы ынтымақтастық, студенттердің Германияда кәсіби практикадан өтуі және бірлескен жобаларды дамыту мүмкіндіктері талқыланды. Тараптар халықаралық тәжірибе болашақ мамандардың кәсіби даярлығын күшейтуге мүмкіндік беретінін атап өтті.
Сапар аясында Жаратылыстану ғылымдары факультетінде аграрлық білім беру бағдарламаларының студенттеріне арналған ақпараттық семинар ұйымдастырылды. Вероника Майорова LOGO e.V. қауымдастығының 2027 жылғы бағдарламасын таныстырып, Германиядағы алты айлық практиканың мазмұны, іріктеу кезеңдері және тілдік даярлық туралы ақпарат берді.
