IX Еуразиялық жоғары білім сапасын қамтамасыз ету форумы
23 Sep 2026
176
2026 жылғы 18 қыркүйекте Шерхан Мұртаза атындағы Халықаралық Тараз университетінің өкілдері Қазақстан Республикасы Ғылым және жоғары білім министрлігінің қолдауымен Білім сапасын қамтамасыздандыру бойынша тәуелсіз агенттік ұйымдастырған IX Еуразиялық жоғары білім сапасын қамтамасыз ету форумына қатысты. Форумға университеттің академиялық жұмыстар жөніндегі проректоры Кадырова Акмарал Сатбековна және «Сапаны қамтамасыз ету және аккредиттеу» басқармасының басшысы Букутова Асемгуль Сексембайевна қатысты.
Биылғы форум жоғары оқу орындарында жасанды интеллектіні қолдану және цифрландырудың түрлі аспектілеріне арналды. Спикерлердің баяндамаларында университеттерде жасанды интеллектіні басқару және менеджмент, оқыту мен білім алу, сондай-ақ AI құралдарын пайдалана отырып ғылыми зерттеулер жүргізу бағыттарында қолданудың практикалық мысалдары қамтылды. Сарапшылар қауымдастығы жоғары білім беру саласында жасанды интеллектіні пайдалануға байланысты қазіргі қиындықтарды талқылады. Сонымен қатар баяндамашылар мен форум қатысушылары ЖИ саласындағы қарқынды өзгерістер жағдайында университеттердің даму перспективалары жөнінде пікір алмасты.
Форум жаңа технологиялар, цифрландыру және жасанды интеллектінің дамуы тұрғысынан жоғары білім сапасын қамтамасыз ету мәселелерін сындарлы талқылауға арналған маңызды алаңға айналды.
