«Бір мамандық – бір мақсат»: Таразда жас орманшылардың республикалық форумы өтті

Бүгін Шерхан Мұртаза атындағы Халықаралық Тараз университетінде «Биология және ауылшаруашылық мамандықтар» кафедрасының ұйымдастыруымен «Бір мамандық – бір мақсат» тақырыбында Республикалық жас орманшылар форумы өтті.

Форумға еліміздің беделді орманшы ғалымдары спикер ретінде қатысып, өз тәжірибелерімен бөлісіп, жас ғалымдарға бағыт-бағдар берді.

Ауқымды іс-шараға 6В083 – «Орман шаруашылығы» дайындық бағыты бойынша С. Сейфуллин атындағы Қазақ агротехникалық зерттеу университеті, Ш. Уәлиханов атындағы Көкшетау университеті, М. Қозыбаев атындағы Солтүстік Қазақстан университеті, Жәңір хан атындағы Батыс Қазақстан аграрлық-техникалық университеті және Шәкәрім университеті студенттері қатысып, ғылыми-зерттеу жұмыстарын таныстырды.

Қатысушылар еліміздің орман шаруашылығын дамытуға бағытталған тың идеялары мен заманауи көзқарастарын ұсынып, кәсіби пікір алмасу алаңын қалыптастырды.