Республикалық студенттер айтысы
08 Dec 2025
155
Шерхан Мұртаза атындағы Халықаралық Тараз университетінің 1-курс студенті республикалық деңгейдегі беделді «Республикалық студенттер айтысы» байқауында жүлделі ІІІ орынға ие болды.
Айтыс жарысы Абай атындағы Қазақ ұлттық педагогикалық университетінің ұйымдастыруымен өтті. Шара Сүйінбай Аронұлының 210 жылдығына, Абай Құнанбайұлының 180 жылдығына және Оразалы Досбосыновтың 50 жылдық мерейтойына арналды.
Дәстүрлі сөз өнерінің мәртебесін көтеруге бағытталған бұл байқауда еліміздің түкпір-түкпірінен келген талантты студенттер бақ сынады. Осындай деңгейдегі додада университетіміздің 1-курс студентінің үздік үштікке енуі – үлкен жетістік әрі оқу ордамыздың шығармашылық бағыттағы жұмысының жемісі.
Университет басшылығы жүлдегер студентімізді құттықтап, алдағы шығармашылық жолына табыс тіледі.
