Шерхан Мұртаза атындағы Халықаралық Тараз университетінде студенттердің психикалық денсаулығына арналған кездесу өтті

Шерхан Мұртаза атындағы Халықаралық Тараз университетінде «Жастардың психикалық денсаулығы және суицидтің алдын алу» тақырыбында студенттермен кездесу өтті. Іс-шараны «Салауатты Жастар» қоғамдық қоры ұйымдастырды.

Кездесу барысында жастар арасында кездесетін психологиялық қиындықтар, олардың алдын алу шаралары, эмоциялық күйзелістің алғашқы белгілерін тану және мамандардан көмек алудың маңыздылығы туралы ақпарат берілді. Студенттер психологтармен еркін форматта пікір алмасып, өздерін толғандырған сұрақтарға жауап алды.

Бұл шара университетте қауіпсіз әрі қолайлы білім беру ортасын қалыптастыруға бағытталған маңызды бастамалардың бірі болып табылады.