Бүгін «Шерхантану» ғылыми-зерттеу орталығының ұйымдастыруымен қазақ халық поэзиясының көрнекті тұлғасы, ХХ ғасырдың Гомері, өлең сөздің дүлдүлі, жырау, жыршы Жамбыл Жабаевтың туғанына 180 жыл толуына орай «Тұлғалар алаңы» жобасы аясында тағылымды іс-шара өтті.

Шерхан Мұртаза атындағы Руханият және тарихтану орталығының ғылыми қызметкері, ақын, Жамбылдан жалғасқан ұрпақтар сабақтастығының бір көрінісі – Балтабаев Мұқағали Жамбылұлы Ж.Жабаевтың өмірі мен шығармашылығына қатысты тың деректерді мазмұндап, студенттер мен оқушыларға дәріс оқыды.

Дәріс барысында ақынның дүниеге келуінен бастап шығармашылық жолы, қоғамдық қызметтері, айтыс жанрындағы туындылары, өзіндік тілдік ерекшеліктері жан-жақты талданды. Студенттер мен оқушылар Жамбыл әлеміне терең бойлап, рухани әсер алды.

Сонымен қатар, жоба қонағы өзінің ақындық шабытынан туған өлеңдерін оқып, оқушыларға ерекше әсер сыйлады.

Дәріс соңында қаңтар айында жарияланған «Тілегім — өрістеген оқу, білім!» атты Ж.Жабаевтың мерейтойына орай ұйымдастырылған облыстық эссе байқауының қорытындысы жарияланды.

Байқау талаптарына сәйкес қатысушылар қазақ әдебиетінің көрнекті өкілі Ж.Жабаевтың шығармашылығы бойынша эссе жазды. Байқауға Жамбыл облысы бойынша жалпы білім беретін орта мектептердің 5–11 сынып оқушылары қатысты. Жұмыстар қатысушылардың таңдауы бойынша қазақ, орыс және ағылшын тілдерінде ұсынылды.

Жамбыл облысы мектептерінен барлығы 159 жұмыс келіп түсті. Арнайы бекітілген әділқазылар алқасы сараптау жұмыстарын жүргізіп, жеңімпаздарды арнайы дипломдармен марапаттады.

Жеңімпаздар Ш.Мұртаза атындағы Халықаралық Тараз университетінің «Шерхантану» ғылыми-ззерттеу орталығына ерекше алғыстарын білдіріп, дәрістің мазмұнды әрі тағылымды болғанын атап өтті.

24.02.2026ж. “Заң” факультеті, “Азаматтық және қылмыстық құқық” кафедрасының сеньор-лекторы Айнұр Асқарбекқызы ҚР Қылмыстық атқару құқығы пәнінен “Қылмыстық жаза түрі ретінде бас бостандығынан айыру және жазаның осы түрін өтеп жатқан сотталғандардың құқықтық жағдайы” атты тақырыбында 3 курс студенттері ҚҚ-23-5, 7, 9 топтарына ашық сабақ өткізді.

Сабақтың мақсаты:
Студенттерге бас бостандығынан айыру жазасының мәнін, түрлерін, сотталғандарды бөлу тәртібін, жаза өтеу орындарын және оларды ауыстырудың құқықтық негіздерін ҚР Қылмыстық-атқару кодексі бойынша түсіндіру.

Сабақтың міндеттері:
бас бостандығынан айыру жазасының түрлерін ашу;
сотталғандардың санаттарын және жазаны орындайтын мекемелерді таныстыру;
сотталғандарды мекеме түрлері бойынша бөлудің құқықтық негізін түсіндіру;
сотталғандарды жаза өтеу орнына жеткізу және ауыстыру тәртібін талдау болып табылады.

Ашық сабақ жоғары деңгейде өтті.
Сабақ барысында тақырып толық қамтылып, оқу мақсаттары жүйелі түрде жүзеге асырылды. Студенттер белсенді қатысып, өз ойларын еркін жеткізе алды. Теориялық білім тәжірибемен ұштастырылып, кейс тапсырмалар арқылы талдау жұмыстары жүргізілді.

Студенттер тиісті әрі нақты жауап беріп, кәсіби көзқарастарын көрсетті. Сабақ өз мақсатына жетіп, нәтижелі өтті.