Миссиясы және пайымдауы

УНИВЕРСИТЕТТІҢ МИССИЯСЫ, КЕЛЕШЕГІ, ҚҰНДЫЛЫҚТАРЫ ЖӘНЕ ДАМУ ПЕРСПЕКТИВАЛАРЫ

Келешегі:
Орталық Азиядағы жетекші университеттердің қатарына енуге ұмтылу, дарынды жастар, инновациялар мен халықаралық ынтымақтастық үшін тартымды академиялық орталыққа айналу.

Миссиясы:
Білім беру, ғылым және шығармашылық арқылы қоғам мен экономиканы жаңғырта алатын креативті, жауапкершілікті және бәсекеге қабілетті көшбасшыларды даярлау.

Құндылықтары:

1. Ашықтық пен креативтілік – қалыптан тыс ойлау, өзгерістерге дайын болу және инновацияларға ұмтылу.

2. Адалдық және қоғамға қызмет ету – этикалық ұстанымдар, ашықтық пен қоғамдық игілікке бағдарлану.

3. Үздіксіз даму – өсуге, өзін-өзі жетілдіруге және кәсіби шеберлікке тұрақты ұмтылыс.

4. Дәстүрлер мен сабақтастық – тарихты құрметтеу, өзара қолдау мәдениеті және корпоративтік бірлік.

5. Серіктестік пен академиялық еркіндік – білімді бірлесіп қалыптастыру, пікір алуандығын құрметтеу және ғылыми тәуелсіздік.

ХТУ-дың даму перспективалары

Шерхан Мұртаза атындағы Халықаралық Тараз университеті БҰҰ-ның Тұрақты даму мақсаттарын (ТДМ), жоғары білім беруді дамытудың заманауи тұжырымдамаларын және университеттің өз стратегиялық жоспарын басшылыққа ала отырып, ұлттық және жаһандық деңгейдегі басымдықтарға сәйкес стратегиялық дамуға бағдарланады.

1. Академиялық әлеуетті және білім беру сапасын нығайту.
Қазіргі заман талаптарына сай білім беру бағдарламаларын дамыту, цифрлық технологияларды білім беру үдерісіне интеграциялау, сондай-ақ қашықтан және аралас оқыту форматтарын кеңінен енгізу арқылы жаһандық еңбек нарығында бәсекеге қабілетті, жоғары білікті мамандарды даярлау.

2. Ғылыми-зерттеу қызметі мен инновацияларды дамыту.
Зерттеу орталықтарын құру және қолдау, пәнаралық жобаларды дамыту, өңір мен елдің өзекті әлеуметтік-экономикалық мәселелерін шешуге бағытталған инновациялық белсенділікті ынталандыру.

3. Халықаралық ынтымақтастық пен серіктестікті нығайту.
Халықаралық академиялық және ғылыми-зерттеу серіктестіктер желісін кеңейту, сапаның халықаралық стандарттарына сәйкес тәжірибе алмасу және кадрларды бірлесіп даярлау.

4. Инфрақұрылымды дамыту және цифрлық трансформация.
Материалдық-техникалық базаны жаңғырту, оқу және ғылыми үдерістерге арналған заманауи зертханалар мен цифрлық платформаларды енгізу, орнықты әрі экологиялық жауапты инфрақұрылымды қамтамасыз ету.

5. Инклюзивті және белсенді студенттік ортаны қалыптастыру.
Студенттік бастамаларды қолдау, әлеуметтік серіктестік бағдарламаларын дамыту, студенттік өзін-өзі басқару мен волонтерлік жүйені нығайту арқылы әлеуметтік жауапкершілік пен азаматтық ұстанымды қалыптастыру.

6. Орнықты даму мен әлеуметтік әл-ауқатқа үлес қосу.
Қоршаған ортаны қорғауға, өмір сапасын арттыруға және білім беру үдерісінің барлық қатысушылары үшін тең мүмкіндіктерді қамтамасыз етуге бағытталған білім беру және ғылыми жобалар арқылы Тұрақты даму мақсаттарын іске асыруға университеттің белсенді қатысуы.