«Әділетті қоғамға – шыншыл сөз»

1 қазан күні Шерхан Мұртаза атындағы Халықаралық Тараз университетінде Қазақстан Республикасының Президенті Қасым-Жомарт Тоқаевтың «Әділетті қоғамға – шыншыл сөз» атты жинағының таныстырылымына арналған дөңгелек үстел өтті. 

Жинаққа Мемлекет басшысының 1994 жылдан бергі кезеңде айтқан маңызды ой-тұжырымдары, баяндамалары, мақалалары мен сұхбаттары топтастырылған. Еңбекте мемлекет пен қоғам дамуы, заң үстемдігі, саяси-экономикалық реформалар, білім мен ғылым, мәдениет, ұлттық құндылықтар және азаматтық жауапкершілік мәселелері қамтылған.

Дөңгелек үстел барысында университет ректоры Махметғали Сарыбеков жинақта көтерілген негізгі мәселелерге тоқталып, оның мазмұны мен қоғамдық маңызы жөнінде пікір білдірді. Ректор өз сөзінде қоғамның дамуы мен ел болашағы үшін адалдық, жауапкершілік және шынайы көзқарастың маңызын атап өтті.

Сонымен қатар, университет өкілдері жинақтағы өзекті тақырыптар бойынша баяндама жасап, Мемлекет басшысының әр жылдардағы ой-тұжырымдарына тоқталды. Баяндамаларда әділетті қоғам қалыптастыру, заң мен тәртіпті сақтау, білім мен ғылымды дамыту, жастардың қоғамдағы рөлі және азаматтық жауапкершілік мәселелері сөз болды.

Кездесу барысында қатысушылар жинақтың мазмұнына қатысты пікір алмасып, онда көтерілген мәселелердің қазіргі қоғам үшін өзектілігін атап өтті. Дөңгелек үстел мазмұнды пікір алмасу алаңына айналып, қатысушылардың ел дамуы мен қоғамдық құндылықтар туралы ойларын ортаға салуына мүмкіндік берді.