«СӨЙЛЕСІМ ӘРЕКЕТІН МЕҢГЕРТУ ӘДІСТЕМЕСІ» тақырыбында республикалық ғылыми-әдістемелік семинар өтті

Шерхан Мұртаза атындағы Халықаралық Тараз университетінде п.ғ.м. Қазжанов Ғалым Төлегенұлының «СӨЙЛЕСІМ ӘРЕКЕТІН МЕҢГЕРТУ ӘДІСТЕМЕСІ» атты тақырыпта республикалық ғылыми-әдістемелік семинар өтті.

Ғылыми-әдістемелік семинардың басты мақсаты – тіл үйренушілерге қазақ тілін базалық деңгейде меңгерту, тыңдалым, оқылым, айтылым және жазылым дағдыларын дамыту, мәтінмен жұмыс жасау барысында пайдаланылатын әдіс-тәсілдерді үйрету, тыңдаушылардың тілдік дағдыларын қалыптастыру, қарым-қатынас жасау қабілетін жетілдіру.

Алғашқы құттықтау сөз Ш.Мұртаза атындағы Халықаралық Тараз университетінің ректоры, педагогика ғылымдарының докторы, профессор Сарыбеков Махметғали Нұрғалиұлына берілді. Семинарға қатысушыларға сәттілік тіледі.

Республикалық ғылыми-әдістемелік семинардың модераторы – «Қазақ тілі мен әдебиеті» кафедрасының доценті, ф.ғ.к. Пертаева Эльмира Құлибайқызы.

Ғылыми-әдістемелік семинарда 6 баяндама тыңдалды:

​1.АЙДАРБЕК ҚАРЛЫҒАШ ЖАМАЛБЕКҚЫЗЫ – әл-Фараби атындағы Қазақ ұлттық университетінің «Түркітану және тіл теориясы» кафедрасының доценті, филология ғылымдарының докторы. Тақырыбы: «ЗАМАНАУИ ҒЫЛЫМИ ПАРАДИГМА АЯСЫНДАҒЫ ТІЛДІ ОҚЫТУ МӘСЕЛЕЛЕРІ», Қазақстан Республикасы, Алматы қ.;

2.ЖАҚАН ЖҰПАР РЫСҚҰЛҚЫЗЫ – Қарағанды облысы, тілдерді дамыту жөніндегі басқармасы жанындағы Ресурстық тіл орталығының бөлім меңгерушісі, п.ғ.м. Такырыбы: Ғ.Қазжановтың «Сөйлесім әрекетін меңгерту әдістемесі» атты еңбегінің маңызы. Қазақстан Республикасы, Қарағанды қ. (видео онлайн);

​3.ҮДЕРБАЕВ АЛМАС ЖАУЫНБАЙҰЛЫ–Қ.И.Сәтбаев атындағы Қазақ ұлттық техникалық зерттеу университетінің «Қазақ және орыс тілдері» кафедрасының меңгерушісі, қауымдастырылған профессор, ф.ғ.к. Тақырыбы: «Қ.СӘТПАЕВ УНИВЕРСИТЕТІНДЕГІ ҚАЗАҚ ТІЛІН ДЕҢГЕЙЛЕП ОҚЫТУ ТӘЖІРИБЕСІНЕН». Қазақстан Республикасы, Алматы қ.

​4.БУЛЕКПАСОВА БАГДАТ ШАКИМОВНА – Астана қаласы әкімдігінің «№112 орта мектеп» КММ, директордың тәрбие ісі жөніндегі орынбасары, қазақ тілі мен әдебиеті пәні мұғалімі, педагог-зерттеуші. Такырыбы: «ҚАЗАҚ ТІЛІ САБАҒЫНДА ТЫҢДАЛЫМ АРҚЫЛЫ СӨЙЛЕСІМ ӘРЕКЕТІН ДАМЫТУ СТРАТЕГИЯЛАРЫ». Қазақстан Республикасы, Астана қ.

5.ЖОНКЕШОВ БАУЫРЖАН СЕЙСЕНБЕКҰЛЫ – Қазақ ұлттық аграрлық зерттеу университеті КеАҚ, «Жалпы білім беру пәндері» кафедрасының меңгерушісі, филология ғылымдарының кандидаты. Тақырыбы: «ЖОҒАРЫ ОҚУ ОРЫНДАРЫНДА ҚАЗАҚ ТІЛІН ТЕРЕҢДЕТІП ОҚЫТУ». Қазақстан Республикасы, Алматы қ.;

6.УМИРБЕК ЖАННҰР ЕРЖАНҚЫЗЫ – Ә.Бөкейханов атындағы №1 гимназияның 9-сынып оқушысы. Тақырыбы: «ҚАЗАҚ ТІЛІН ҮЙРЕТУДЕ СӨЙЛЕСІМ ӘРЕКЕТІНЕ НЕГІЗДЕЛГЕН ӘДІСТЕР». Ғылыми жетекші: Мұсабекова Мадина Даниярбекқызы, педагог-зерттеуші. Қазақстан Республикасы, Тараз қ.

Ғылыми-әдістемелік семинар жұмысының негізгі бағыттары:

1.Ғ.ҚАЗЖАНОВ ЖӘНЕ «СӨЙЛЕСІМ ӘРЕКЕТІН МЕҢГЕРТУ ӘДІСТЕМЕСІ» АТТЫ ЕҢБЕГІ

​2.ТІЛ ҮЙРЕНУШІЛЕРГЕ ҚАЗАҚ ТІЛІН ОҚЫТУ МӘСЕЛЕСІНІҢ ЗЕРТТЕЛУІ

3.БАЗАЛЫҚ ДЕҢГЕЙДЕ СӨЙЛЕСІМ ӘРЕКЕТІ ТҮРЛЕРІН МЕҢГЕРТУ ӘДІСТЕМЕСІ (ТЫҢДАЛЫМ, ОҚЫЛЫМ, АЙТЫЛЫМ, ЖАЗЫЛЫМ)

​4. ПЕДАГОГИКАЛЫҚ ҒЫЛЫМДАР
Республикалық ғылыми-әдістемелік семинар 3 бөлім бойынша қамтылған: І-бөлім – конференция, ІІ бөлім – тәжірибемен бөлісу, ІІІ-бөлім Тұсаукесер («Сөйлесім әрекетін меңгерту әдістемесі» атты оқу-әдістемелік құралы).

Кәсіби бағдар жұмыстарын арттыру мақсатында ұйымдастырылған бұл іс-шарада мектеп мұғалімдері тың баяндамалар жасап, өз ойлары мен пікірлерін ортаға салды.

​Ғалым Төлегенұлының «Сөйлесім әрекетін меңгерту әдістемесі» атты оқу-әдістемелік құралының негізінде «Қазақ тілі мен әдебиеті» кафедрасының сеньор-лекторы Стамкулова Баян Шаймерденқызы 1 курс студенттерімен өз тәжірибесімен бөлісті.

Республикалық ғылыми-әдістемелік семинарды Шерхан Мұртаза атындағы Халықаралық Тараз университетінің «Стратегия, ғылым-инновация және Халықаралық байланыстар» жөніндегі проректор, п.ғ.к. Кудайбергенов Арман Ергалиевич қорытындылады. «Қазақ тілі мен әдебиеті» кафедрасының доценті, ф.ғ.к. Кужаева Маржан Төреқұлқызы баяндамашыларды І дәрежелі дипломдармен марапаттады.

Ғалым Төлегенұлының қыл қаламынан туған еңбегі студенттер мен қонақтарға тарту етілді.