COVID-19 қауіпсіздік ережелерін сақтаңыз!

Мекен-жайы

Тараз қ, Желтоқсан көш, 69Б

Байланыс Телефоны

+7 (7262)50-13-55 +7 (7262)54-11-24

Жұмыс уақыты

Дүйсенбі - Жұма: 09.00 - 18.00

SHERKHAN MURTAZA
UNIVERSITY

Басты бет / Медиа / Жаңалықтар / Қазақстанда отырып ойнайтын волейболдан алғашқы әйелдер Кубогы өтті

Қазақстанда отырып ойнайтын волейболдан алғашқы әйелдер Кубогы өтті

 

Қазақстанда алғаш рет отырып ойнайтын волейболдан әйелдер арасындағы Кубок өтті! Бұл тарихи турнир Алматыда ұйымдастырылып, оған еліміздің төрт командасы қатысты. Әр команда соңғы сәтке дейін жеңіс үшін күресіп, жарыс ерекше тартысты өтті. Егер алғашқы турнирден-ақ мұндай жігер мен бәсекелестік байқалса, халықаралық жеңістер де алыс емес!

 

 

Әр матч жанкүйерлерге ұмытылмас эмоциялар сыйлады. Әйелдер параволейболының ерекше атмосферасы бәрін баурап алды: қарсыластар алаңда бір-біріне қарсы ойнаса да, одан тыс жерде достық пен қолдауға толы сәттер көп болды.

 

 

Бұл ерекше турнир Шерхан Мұртаза атындағы Халықаралық Тараз университетінің қолдауымен өтті! Біздің университет тек жарысты ұйымдастырып қана қоймай, оны жоғары деңгейде өткізу үшін барлық жағдайды жасады:

Студенттер ерікті ретінде көмектесті, оқытушылар іс-шараға ерекше көңіл-күй сыйлап, музыкамен әрледі, ал турнирдің жүргізушісі – белгілі актер, нағыз харизма иесі Тәуекел Мүсілім болды.

 

 

Сонымен қатар, “Ситибанк Қазақстан” жарысты қаржылық жағынан қолдап, қазақстандық параволейболшылардың дамуына өз үлесін қосты.

Бұл тарихи турнирден кейін университетіміз осы спорттың дамуына тұрақты қолдау көрсетпек. Айта кетейік, қазіргі таңда біздің оқу ордамыз еліміздегі отырып ойнайтын волейболдан жаңадан құрылған әйелдер командасына демеушілік етіп, оның кәсіби деңгейде қалыптасуына көмектесуде.

 

 

Бүгінде команда университет базасында алғашқы жаттығуларын бастап, кәсіби дайындықтарын жүргізуде. Аталмыш ойында бұл команда жақсы дайындық нәтижесін көрсетіп, ІІ орынды иеленді.