Абайдың ақындық әлемі

2025 жылдың 18 наурыз күні Шерхан Мұртаза атындағы Халықаралық Тараз университетінде Абай Құнанбайұлының 180 жылдық мерейтойына орай «Абайдың ақындық әлемі» атты тақырыпта республикалық ғылыми-әдістемелік семинар өтті.

Ғылыми-әдістемелік семинардың мақсаты – Абай Құнанбайұлының шығармашылық мұрасын тереңірек зерттеу, оның философиялық, әлеуметтік, әдеби және мәдени тұрғыдағы мәнін түсіну. Абайдың шығармаларындағы басты идеялар, ақындық мұрасын жаңаша бағалау және жас ұрпаққа ұлы ақынның шығармашылығын насихаттау.

Республикалық ғылыми-әдістемелік семинар «Қазақ тілі мен әдебиеті» білім беру бағдарламасының 4 курс студенті Муратов Данабек Дауылбайұлының «Абай ақынға» арнауымен ашылды.

Алғашқы құттықтау сөз Ш.Мұртаза атындағы Халықаралық Тараз университетінің ректоры, педагогика ғылымдарының докторы, профессор Сарыбеков Махметғали Нұрғалиұлына берілді. Абайдың өмір жолы мен шығармашылығына қысқаша тоқталып, семинарға қатысушыларға сәттілік тіледі.

Ғылыми-әдістемелік семинарда 7 баяндама тыңдалды: 

1. САЛАМАТОВА РАХАТ МАХАНБЕТЖАНОВНА – М.Х.Дулати атындағы Тараз университетінің доценті, ф.ғ.к. Тақырыбы: «АБАЙ «СЫНШЫЛ АҚЫН» ТЕОРИЯСЫНЫҢ ҒЫЛЫМИ-КОНЦЕПТУАЛДЫҚ МӘНІ», Қазақстан Республикасы, Тараз қ.; 

2. ОЙСЫЛБАЕВА АЙСҰЛУ ТӨРЕҚҰЛҚЫЗЫ – М.Әуезов атындағы әдебиет және өнер институтының доценті, ф.ғ.к. Тақырыбы: «ҰЛЫЛАР ҮНДЕСТІГІ: АБАЙ ЖӘНЕ АХМЕТ», Қазақстан Республикасы, Алматы қ.; 

3. ҚОЖАМЖАРОВА ЛАТИФА СЕЙДАХМЕТОВНА – «Өрлеу» біліктілікті арттыру ұлттық орталығы, Жамбыл облысы бойынша кәсіби даму институтының директоры, б.ғ.к., профессор. Тақырыбы: «АБАЙ ЖӘНЕ ҚАЗАҚ ФИЛОСОФИЯСЫ», Қазақстан Республикасы, Тараз қ; 

4. МҰҚАШЕВ ТЕМІРБАЙ ӘЛІҰЛЫ – М.Х.Дулати атындағы Тараз университетінің доценті, ф.ғ.к. Тақырыбы: «АБАЙ МҰРАЛАРЫ М.МЫРЗАХМЕТҰЛЫ ЗЕРТТЕУЛЕРІНДЕ», Қазақстан Республикасы, Тараз қ.; 

5. БАЕШОВА БАЛЗИЯ ШЕГЕТАЙҚЫЗЫ – Қ.А.Ясауи атындағы Халықаралық қазақ-түрік университетінің доцент м.а., ф.ғ.к. Тақырыбы: «АБАЙ ШЫҒАРМАШЫЛЫҒЫНДАҒЫ ШАҒЫН ШУМАҚТАР», Қазақстан Республикасы, Түркістан облысы;

6. САРТБАЕВА АЛИЯ СЕМБАЙҚЫЗЫ– Ә.Бөкейхан атындағы №15 тірек мектеп-лицейі директордың ғылыми жұмыс жөніндегі орынбасары. Тақырыбы: «АБАЙ РУХАНИЯТЫНДАҒЫ ҚҰНДЫЛЫҚТАР ӘЛЕМІ», Қазақстан Республикасы, Жамбыл облысы, Жуалы ауданы. 

7. ҚАЛМҰХАМБЕТ СҰЛУЖАН – Ә.Бөкейхан атындағы №1 гимназияның 9-сынып оқушысы. Тақырыбы: «АБАЙ ҚАРАСӨЗДЕРІНДЕГІ ЭМОЦИОНАЛДЫ ИНТЕЛЛЕКТ: ҚАЗІРГІ ҚОҒАММЕН БАЙЛАНЫСЫ». Ғылыми жетекші: Мұсабекова Мадина Даниярбекқызы Қазақстан Республикасы, Тараз қ.

Ғылыми-әдістемелік семинар жұмысының негізгі бағыттары:

1. АБАЙ ЖӘНЕ ҚАЗАҚ ӘДЕБИЕТІНІҢ ЖАҢАШЫЛДЫҒЫ 

2. АБАЙ ЖӘНЕ ҚАЗАҚТЫҢ ҰЛТТЫҚ МЕНТАЛИТЕТІ 

3. АБАЙ РУХАНИЯТЫНДАҒЫ ҚҰНДЫЛЫҚТАР ӘЛЕМІ 

4. АБАЙДЫҢ ФИЛОСОФИЯЛЫҚ ОЙЛАРЫ: ТІЛ, ДІН, ҰЛТ ЖӘНЕ АДАМГЕРШІЛІК МӘСЕЛЕЛЕРІ 

5. АБАЙДЫҢ «ҚАРА СӨЗДЕРІ» МЕН ОЛАРДАҒЫ ДАНАЛЫҚ 

6. АБАЙДЫҢ АҚЫНДЫҚ ШЕБЕРЛІГІ: ӨЛЕҢ ФОРМАСЫ МЕН ТІЛІНІҢ ЕРЕКШЕЛІКТЕРІ 

7. ПЕДАГОГИКАЛЫҚ ҒЫЛЫМДАР 

8. ГУМАНИТАРЛЫҚ ҒЫЛЫМДАР

Республикалық ғылыми-әдістемелік семинар ІІ бөлім бойынша қарастырылған:
І-бөлім конференция, ІІ бөлім-шабыттық шақ (студенттердің шығармашылығы).

Кәсіби бағдар жұмыстарын арттыру мақсатында ұйымдастырылған бұл іс-шарада мектеп мұғалімдері тың баяндамалар жасап, өз ойлары мен пікірлерін ортаға салды.

Жамбыл облысы, Жуалы ауданы, Ә.Бөкейхан атындағы №15 тірек мектеп-лицейі директордың ғылыми жұмыс жөніндегі орынбасары Сартбаева Алия Сембайқызы «Абай руханиятындағы құндылықтар әлемі» тақырыбында жаңа технология үрдісінде ашық сабағымен бөлісті.

«Қазақ тілі мен әдебиеті» білім беру бағдарламасының 3 курс студенттері Абайға арнау, Абай қарасөздерінен үзінділер жатқа оқып, өз өнерін ортаға салды. Ал, «Қазақ тілі мен әдебиеті» білім беру бағдарламасының 1 курс студенттері «Абай мен Тоғжан» қойылымынан үзінділер көрсетті.

Республикалық ғылыми-әдістемелік семинарға қатысқан баяндамашылар мен студенттерді Шерхан Мұртаза атындағы Халықаралық Тараз университеті, Стратегия, ғылым-инновация және халықаралық байланыстар жөніндегі проректор, п.ғ.к. Кудайбергенов Арман Ергалиевич, «Педагогика» факультетінің декан міндетін атқарушы Нурбеков Талғат Балтабекұлы, «Қазақ тілі мен әдебиеті» кафедрасының меңгерушісі, ф.ғ.к., доцент м.а. Беркенова Рабиға Ағабекқызы І дәрежелі дипломдармен марапаттап, университет имиджін белгілейтін сыйлықтар тапсырды.