Шетелдік тағылымдама – халықаралық тәжірибе алаңы

Шерхан Мұртаза университетінің ЕМВА "Денсаулық сақтаудағы менеджмент" білім беру бағдарламасының магистранттары Кимё Ташкент Халықаралық университетінің клиникасында шетел тағылымдамасынан өтуде.

Университет өкілдері мен магистранттарды Кимё Ташкент Халықаралық университеттің Стратегиялық даму және цифрландыру бойынша проректоры Восиков Улугбек Алишерович, Білім беруде сапаны қамтамасыз ету бөлімінің жетекшісі Шарипова Зебо Бекмуродовна, Менеджмент және маркетинг кафедрасының меңгерушісі Гафурова Дильшода Рамазановна ыстық ықыласпен қарсы алды.

Бірінші күн университет басшылығымен кездесуден және университет пен клиникамен, олардың лабораторияларымен танысудан басталды.

Магистранттар осы университет клиникасының базасында күнделікті тәжірибе алмасып, клиниканың менеджмент пен маркетингті жүргізу жұмыстарымен танысатын болады.