Хабарландыру!

Ш. Мұртаза атындағы Халықаралық Тараз университетінің Стратегиялық даму және халықаралық байланыстар басқармасы 2026–2027 оқу жылының көктемгі семестріне арналған сыртқы академиялық ұтқырлық бағдарламасы бойынша кандидаттарды іріктеу конкурсын жариялайды.

Кімдер қатыса алады?

- Университеттің 2–3-курс студенттері.

Негізгі талаптар:

- Үлгерім көрсеткіші — GPA 3.0-ден жоғары;

- Шет тілін меңгеру деңгейі — ағылшын тілі B2 деңгейінен төмен емес;

- Университеттің қоғамдық өміріне белсенді қатысуы (сертификаттар мен марапаттардың болуы артықшылық береді).

Қажетті құжаттар:

- Студенттің өтініші (белгіленген үлгі бойынша);

- Транскрипт (қазақ және ағылшын тілдерінде);

- Ағылшын тіліндегі түйіндеме (CV);

- Кафедра меңгерушісінің ұсыныс хаты;

- Тілді меңгеру деңгейін растайтын сертификат (бар болса) немесе университетішілік емтихан нәтижесі.

Құжаттарды қабылдаудың соңғы мерзімі: 2026 жылғы 9 қазан.
Құжаттарды тапсыру орны: Стратегиялық даму және халықаралық байланыстар басқармасы, Желтоқсан көшесі, 69Б, 1.2.202-кабинет.

Шетелдік жоғары оқу орнында білім алып, халықаралық тәжірибе жинақтап, білім көкжиегіңізді кеңейту мүмкіндігін жіберіп алмаңыз!