Құқықтық сауаттылық – уақыт талабы

Бүгін Шерхан Мұртаза атындағы Халықаралық Тараз инновациялық институтында "Құқықтық сауыттылық - уақыт талабы" тақырыбында құқық қорғау ұйымдары өкілдерінің қатысуымен кездесу өтті.

Интернет алаяқтық қазіргі қоғамның ең өзекті әрі маңызды мәселесі. Интернеттің мүмкіндігін қылмыстық іс-әрекеттерін жүзеге асыру үшін оңтайлы пайдаланып жүрген әдіс-тәсілдер күн сайын өзгеріп, жаңарып отырады.

«Әдетте алаяқтар әлеуметтік желілерге жалған интернет хабарландырулар орналастырады немесе аккаунт пен арнайы бет ашып, сайт жасап алады. Ең жиі кездесіп жүрген интернет алаяқтықтың түрлері: интернет арқылы сауда жасау және қызмет көрсету, сондай-ақ өздерін банк қызметкері ретінде таныстырып, жеке деректерді иемдену және бөтен біреудің атынан онлайн-несие рәсімдеу арқылы жасалатын қылмыстардың алдын алу, онымен күресу жолдары.

Кездесуге арнайы Жамбыл облысы Полиция департаментінің Криминалистикалық полиция басқармасының аса маңызды істер жөніндегі аға жедел уәкілі Шохан Альжанов, Тараз қаласы 1-Полиция Басқармасы Криминалистикалық полиция басқармасының жедел уәкілі Диханбаев Айбек Бейсенбайұлы, ҚР Сыбайлас жемқорлыққа қарсы іс-қимыл Агенттігінің Жамбыл облысы бойынша Департаментінің Превенция басқармасы басшысының орынбасары Бақтыхожаев Ербол Жұмақадырұлы қатысты.

Шара барысында келген қонақтарға студенттер тарапынан түрлі сұрақтар қойылып, құқықтық сауаттылық тұрғысында лайықты жауаптар берілді.